Беларуская выцінанка ўключана ў Спіс нематэрыяльнай культурнай спадчыны ЮНЕСКА
4 снежня 2024 года на 19-й сесіі Міжурадавага камітэта па ахове нематэрыяльнай культурнай спадчыны ЮНЕСКА было вырашана ўключыць адзін з атрыбутаў беларускай нематэрыяльнай культурнай спадчыны «Выцінанка» ў Рэпрэзентатыўны спіс нематэрыяльнай культурнай спадчыны чалавецтва.
Выцінанка – традыцыйнае мастацтва выразання з паперы, якое шырока распаўсюджана ў Беларусі. Рамяство, якое ўзнікла яшчэ ў XVI стагоддзі, сёння стала папулярным яшчэ больш. Сучасная выцінанка – гэта адна з эстэтычных асноў беларускай культуры і менталітэту. Яна актыўна выкарыстоўваецца ў афармленні жылых дамоў, рэстаранаў, культурных устаноў. Без выцінанкі не абыходзіцца ніводнае беларускае традыцыйнае свята.
Уключэнне гэтага рамяства ў Рэпрэзентатыўны спіс нематэрыяльнай культурнай спадчыны чалавецтва стала вынікам сумеснай працы майстроў выцінанкі, экспертаў і спецыялістаў па ахове нематэрыяльнай культурнай спадчыны, Нацыянальнай камісіі Рэспублікі Беларусь па справах ЮНЕСКА, Міністэрства культуры, Беларускага дзяржаўнага ўніверсітэта культуры і мастацтваў, Міністэрства замежных спраў і прадстаўніцтва Беларусі пры ЮНЕСКА.
З уключэннем «Выцінанкі» ў спісы нематэрыяльнай культурнай спадчыны ЮНЕСКА налічваюць шэсць беларускіх элементаў.
Для даведкі: Сёння ў Cпіс нематэрыяльнай культурнай спадчыны ЮНЕСКА ўключаны: абрад «Калядныя цары» (2009), Будслаўскі фэст (2018), абрад «Юраўскі карагод» (2019), культура бортніцтва (2020), саломапляценне (2022), выцінанка (2024).
Падрыхтавана па матэрыялах БЕЛТА;
фота: Беларусь.24
